منتدى ابناء مدينة غبيش
مرحباً بكم فى منتدى ابناء مدينة غبيش نتمنى من الله ان تجدو الراحة والمتعى والاستفاده القسوى

هواجس مغترب

استعرض الموضوع السابق استعرض الموضوع التالي اذهب الى الأسفل

هواجس مغترب

مُساهمة من طرف خالد حسبو في الثلاثاء يوليو 19, 2011 7:39 am

هواجس مغترب I love you I love you I love you I love you
بسم الله مالك ياقلب ملهوف ومالك ديمه شاردوديمه داخلك خوف يا قلب الندام مالك تجول وتطوف ذي فاقد الامل عديم السمع والشوف ومالك نار همك تهرد الجوف تحرق الحشا وفي الكبده شاقه جروف كتم قلب الندام قال بدور لو حكايه قال لاداخلواخوف ولا بتعجبو شكايه بس كل السبب طري ليهو حكايه طري اهلاً بعاد والطريه شوايه طري اخواتاً هناك في الوادي ابوعفايه دي قايده العجيل ودي سايقه غنمايه مسرحهن خليطه دفرايه لا جرت قلم ولا قرت ايه ياقلب الندام بالنعمه ماتبغر بلداً فيها اتربيت وفيها ضقت المر تبقي سجم رماد كان ليها تتنكر تقول لاحلبت تك ولا تفرت ناس هر ولا سكسكت جمل القيد عليكا هدر ولا طاردت شباًعاقب المطر لابتعرف سموم قروه ونهار الحر وفولاً في الدباب حرقان بدور السل وقلبه فتح جديييد تيرابها ما اخر قناديل الدرت راصه الدخن اصفر 13سنه لكراسه والدفتر فوق الامتحان الكان دواه حبر تنسي كيف البلد نايره وطاتها عصر والهيف باااارد طلع بعد الشبيب ما نزل بهايم الحله قادله بمهل تنجر السخيلات في الزرايب والعجول في الكر وحس اماً تنادي وليدها استعجل وكتك خلاص فلل شوف امهات لبن وادي الدغور ينبل وحس اختاً تقول يمه نعلو ما خسر يمه صوطي العيش ودقي لينا كول وحالاً حس حال الفنادك في الفريق برقل ياقلب الندام بس اوعاكا ما تنصاب اتعلمت والتعليم وراه عزاب اتوظفت والتوظيف مشاكلو تراب بس اوعاك من قولة فلان داك خاب وما تنسي الضري وجلسة الاحباب والقدح ابو خروس والعمره والشكاب ولاسرجاًعليهو ضبيه وعديلتا جراب ولا ناراً موقده للشاي عدانها هشاب ولاحش الزرع البعقبو الجنكاب ساقيهن ليه يومين غاب مالك ياقلبي حاًرجع مهما البعاد طال اتزكرت ناس نديم والصيف عليهن طال الدوانكي تقطعت وساَّت الاحوال بيصعيد كوه والغنم مقيال ويوماًمن بلدنا اضامو في ام سيال حليلهم رشاش شال السحاب قيل حليلهم خريف وكت البلد شوغر لما الليل رعد رمي صوتو هدر بروقو بتشالعن حتي الوكت فجر والسرايه كانو الليل يطول ويقصر ليل الغربه طال سالت دموع الشوق ليل الغربه طال قلب الندام محروق مالك ياقلب باين عليك حزين اتزكرت عشرة اهلنا الحلوين اتزكرت ناس الحله والوالدين انزكرت عماماً بيملو العين وخوالاً اسود فوق الرجال بينين وجدوداً من قديم بالعزه معروفين وعماتاً حديثهن زين وخالاتاً سقني الريده بالكفين وحبوبات حنوناااااااااااااات ما بعرفن شين مع ودي وتقديري

خالد حسبو

عدد المساهمات : 8
تاريخ التسجيل : 17/07/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: هواجس مغترب

مُساهمة من طرف عزالدين خليل احمد الامين في الثلاثاء يوليو 19, 2011 9:42 pm

اخونا خالد حسبو اهلين و مرحبا بك عزيزا و اضافة مهمة للمنتدى
و احلى حاجة هواجس وغترب .. تسلم يا جميل

عزالدين خليل احمد الامين

عدد المساهمات : 70
تاريخ التسجيل : 19/06/2011
العمر : 40

معاينة صفحة البيانات الشخصي للعضو http://gabaish.sudanforums.net/profile?mode=editprofile&page

الرجوع الى أعلى الصفحة اذهب الى الأسفل

هواجس مغترب

مُساهمة من طرف خالد حسبو في الأربعاء يوليو 20, 2011 2:12 pm

الله يكرمك وتعود لينا سالم يا بشكه

خالد حسبو

عدد المساهمات : 8
تاريخ التسجيل : 17/07/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى